قصيدة النجمة كاملة
روعني وحش النجمة يا الخو شاطن بالي
نبات فالحب نلالي
خلقها ربي فوغة شاعلة مافيها دخان
نادات النجمة للرجال بالصوت العالي
هي في الحرب تشالي
نعمل عرس لخويا جاي راكب غا في قفطان
تبعني خويا بصربتو هو التالي
ݣاعد يهزم في نصاري
ملي علم لفجر ما بقا غير الحال يبان
ݣاع لي دركو يا من هو يصغالي
حيث ماعندي والي
واللي رجعتو راه يسكن جنة رضوان
ناضو ليها هي في صمايم و ليالي
الوضوء ما هو غالي
موذن ايݣرح في القلوب راكب فوق الحيطان
راكبين على سراتة تحوف تفاجي لهوالي
يعمرو الجوف الخالي
الراكب على دهمة لا تعدوه من الشجعان
أمولى دهمة رقاص الفجر يا الشاطن بالي
معطفة في السلالي
ملي علم لفجر ما بقا غير الحال ايبان
سيدي مولى لدهم راكب سومو غالي
حيث هو بوهالي
جنبو طايب بركوب لحجر سابلة بالدخان
السطلة و الشماش جت عنهم تلالي
يا الفاهم لمعاني
صبرهم من قصح الجرح كتبري لݣران
اللي ما قابل نجمة لفجر را جبحو خالي
ما يسمع ليك مثالي
قلبو بارد عقلو مريض
محسوب من الحيوان
وا جود علينا برضاك يا الله وانت عالي
و يا ربي مالي
النفس مع الشيطان شربوني كاس القطران .
اللي ما سلبوه لوقات راه كيفو شيطاني
بالهوى قلبو فاني
مولوع مع الدنيا كان شايق بها تا مات
و اللي ما هزو ريح الغرام كيفو رباني
بالهوى قلبو فاني
ما غنى في عرسو نظام ما خطفوه تشابيهات
ما ولى في يوم الرحيل ليلة الكفاني
ليلة يمشي براني
و لي جاي يعزي ايقولو روح فلان توفات
يصحاب الملك ايدوم عايش في عمرو هاني
ما يسمع ليك مثالي
ما عس على النجمة الهايجة مولوعة لبنات
مولات القبلة دوز على كل لواني
زين خلق الرحماني
ما تنقض عاهد مانعرفوها فين تبات
و درت معاها المعتاد في الضبابة تلقاني
يا لفاهم لمعاني
و عودي مربوط في السمر و مقابل لوقات.
وا طال الليل أوطال و السهو و النوم داني
غر بيا و غواني
نضت الدراري عيطت :أيا الراݣد ها هيا جات
نضت نرݣب عنها نصيب لفجر سالاني
بان ضيو في عياني
ملي سألتو عنها قال ليا:طلت و غبات
سالت عيني بالدموع أيا عشراني
من الݣرحة مݣواني
عزمت ملي دازت منها قلبي صار شتات
لا زهوا غير الدين يا صحاب القرآن
كل من خالق فاني
وا تفكر ياراسي سارت الدنيا و تݣافات
ما يبقى في ملكو غير الرب الفوݣاني
يا رحيم الرحماني
وغيرو في جميع الربوع مايبقاشي صوات
الصلاة و السلام على سابغ لمجالي
الامام المرسالي
محمد زين الزين مدوز أمتو للجنان
بغيت أسيدي غير من يسكن جاري
يذوق صهد و حراري
يحرار عليه النوم يصبح ايعود ما سار
وا نا راݣد حتى جا رحيل جمالي
بغيت نمشي في حالي
خليناك على خير سلم ليا لدار البهتان
لو كان لغرام هدام راه يهدم لسواري
تقطع بيه شجاري
و لا يسكن حجرة صمة بجهدو ترطاب
لو كان الغرام سكان يسكن بحر النيلي
ليس يبقى كيداري
يتفرقو موجاتو من تحتو يمشيو ݣاع ضباب
هاكاك أنا يا ناس الهوى شعلت ناري
دارت في القلب حفاري
مݣواني يا راسي مطول الغيبة على لحباب
الناس تعني خودة مضوية على لصحاري
شافت الدين تلالي
دارت معتاد مع صحابها صابتهم غياب
طحت نسول فيها في انظامي و شعاري
باش تفهم يا قاري
لله باش تنادي يا النجمة ردي لجواب
قالت لية يكفاك يا الطالب من عاري
عيد للناس خباري
الكلمة لي قلتها زممها في الكتاب
وانا هي النجمة لي مضوية على لقبالي
ليلة يلقاو نبالي
بالجنة تا بالحور صادعة را رفيقي غلاب
بيا باش دركو القوم والاولياء الابراري
عظم الله انواري
أسيدي ولي بغا رفاݣتي
ما يرى عذاب.
تعليقات
إرسال تعليق